शनिवार, ९ मे, २००९

सज्जनांचे पसायदान

सज्जनपणा हाच जीवनातील अडथळा ठरल्याची खंत सज्जनांनी व्यक्त केल्यानंतर त्यांच्या आयुष्यात हुकलेले रंगीन क्षण टिपण्याचा हा प्रयत्न

सज्जन माणसे मनाने फारच सोज्वळ असतात

बायकोशेजारी देखील अंतर ठेवून बसतात

बायकोशिवाय त्यांच्या स्वप्नात दुसरी कुणी येत नाही

खरा सज्जन डोळ्यांचा गैरवापर कधी करत नाही

मित्रहो एका रात्रीत कुणी खरा सज्जन होत नाही

झाला चुकून कोणी तर विश्वास लवकर बसत नाही

सज्जनपणा तसा बालपणापासूनच अंगी असावा लागतो

मोह टाळून आयुष्यात नुसताच त्रास सोसावा लागतो

रांग आयुष्यात त्यांनी चुकूनही मोडली नाही

कामे मागच्या दाराची त्यांना कधी जमलीच नाही

कॉलेजमध्ये मैत्रीणींशी त्यांनी कधी केला नाही दंगा

नाही केली भानगड कुणाशी नाही घेतला पंगा

कॉलेजमध्ये राहूनही नाही ठरले ते नशीबवान

संधी न मिळाल्याने गेले राहून चारित्र्यवान

जिवापाड जपले ब्रम्हचर्य मेनकांना नाही दिली संधी

खेटल्या ज्या अंगाशी केली त्यांना हृदयात बंदी

खरा सज्जन जपत असतो कायम देवाचेच नाम

लग्नाआधी जपतो 'जयहनुमान' , लग्नानंतर 'जय श्रीराम'

सज्जन माणसं बायकोशी तशी एकनिष्ठ असतात

बायको माहेरी जाताच इकडे तिकडे बघतात

'फॅशन' चॅनेल कधी कधी सज्जन अगदी जवळून बघतात

लागताच बायकोची चाहूल पटकन 'संस्कार' लावतात

तेवढं सोडलं तर आयुष्यात त्यांच्या पराक्रम दुसरा नसतो

करायला जातात धाडस तेंव्हा प्रयत्न नक्कीच फसतो

सज्जन्नांनी पृथ्वीवरती देवा नुसताच त्रास सोसला

प्रत्येक क्षण आयुष्याचा त्यांचा संयमाने नासला

स्वर्गामध्ये इंद्रदेवा द्या त्यांना भरपूर सवलती

पृथ्वीवरचे तेंव्हा नसावे मुळीच कुणी अवतीभवती

कसर पृथ्वीवरची मनसोक्त सज्जनांना काढू द्या

सोसण्याची त्यांच्या आता तरी कदर होऊ द्या

झिंग जगण्याची त्यांना तिथे तरी चढू दे

होऊनी जरा जास्तच मयसभेत आडवे पडू दे

स्वर्गामध्ये इंद्रदेवा त्यांना असू दे तुझ्याच सवेत

रंभेला चेपू दे पाय अन अप्सरा असू दे कवेत

पृथ्वीवर वाढतील सज्जन जर स्वर्गात कराल कदर

पसायदान देवा माझे सज्जनांसाठी करतो सादर

६ टिप्पण्या:

Abhimanyu म्हणाले...

hey sanjeev, great blog, are u based in pune/nagpur ? how you got into marathi blogging ? :)

Abhimanyu
http://mwolk.com/blog/

Unknown म्हणाले...

Hello. i loved to read your blog.
the content and theme of writing is quite nice.
Help me with your suggestion about my blog
http://jugaadworld.blogspot.comhope to have your precious suggestions about my blog.

Unknown म्हणाले...

You comments have always been the words of inspiration for us.Please keep reading and commenting on my BLOG
http://jugaadworld.blogspot.comThank you
JUGAADU(Owner)

nidhi kumari म्हणाले...

wow very nice..happy new year2017
www.shayariimages2017.com

Marathi Prem Images म्हणाले...

Very nice

json777 म्हणाले...

Thank you very much for this great post...
Ounce To Cup
howmany ounces in a cup